Borðleggjandi úrskurður?
Svandís Svavarsdóttir, umhverfisráðherra tilkynnti á mánudag um þá ákvörðun sína að synja staðfestingar skipulagsbreytingum sem snúa að virkjunum í neðri Þjórsá með þeim rökum að þátttaka Landsvirkjunar í kostnaði sveitarfélaga við skipulagsvinnu hafi stangast á við skipulags- og byggingarlög. Ekki nóg með það, í samtali við Fréttablaðið á þriðjudag segir ráðherrann „…að í raun hafi úrskurðurinn verið borðleggjandi“. Það er einmitt það.
Mín spurning er þá þessi: Ef úrskurðurinn var svona borðleggjandi, ef henni sem ráðherra skipulagsmála var ekki stætt á öðru en að úrskurða á þennan hátt, af hverju í ósköpunum þurfti hún að hugsa sig um í heilt ár til að komast að þessari niðurstöðu? Þessari borðleggjandi niðurstöðu.
Eigum við ekki bara að segja hlutina eins og þeir eru? Ráðherrann er andvíg virkjunum í neðri Þjórsá, þess vegna finnur hann þessa átyllu til að synja skipulaginu. Það er það eina sem er borðleggjandi í þessu máli.
Eftir Ragnheiði Elínu Árnadóttur, oddvita Sjálfstæðisflokksins í Suðurkjördæmi
Eldri greinar
- Össur og gleymdu milljarðarnir
- Um banka, samkeppni og fjölmiðla
- Ekki meiri „Truflun“ takk !
- Sterkt samfélag
- Skiljanlegar fjarvistir frá byggðaumræðunni
- Þrennt sem Alþingi þarf að rannsaka núna!
- Hverjir eiga bankana, Steingrímur?
- Bréf formanns vegna skýrslu Rannsóknarnefndar Alþingis
- Fjölmiðlafrumvarpið og ofstýring
- Fjölmiðlafrumvarpið og blaðamenn
